హైదరాబాద్
ఉస్మానియా ఫౌండేషన్ భవన్ కు ఓయూలో ఓయూ విసి ప్రో. రవీందర్ యాదవ్ శంకుస్థాపన చేశారు. ఈ సందర్భంగా వీసీ మాట్లాడుతూ ఉస్మానియా యూనివర్సిటీ చరిత్రలో మరొక మైలు రాయికి ఈరోజు బీజం పడిందని అన్నారు. 106 సంవత్సరాల చరిత్రలో కొంతమంది కృషి వల్ల అలుమిని అసోసియేషన్ ఆక్టీవిటి జరుగుతుంది అన్నారు. ఈ ప్రయత్నం ఇంతకుముందు కూడా జరిగింది కానీ అది కార్యరూపం దాల్చలేదు. మేము వచ్చిన తర్వాత మేము ఏర్పాటు చేసుకున్న 21 పాయింట్ ఏజెండాలో భాగంగా వచ్చే 10 సంవత్సరాలలో ఏ ఏ కార్యక్రమాలు చేపట్టాలనేది ఒక ప్రణాళిక రూపొందించుకున్నామన్నారు. అందులో భాగంగానే ఉస్మానియా ఫౌండేషన్ను ఏర్పాటు చేయడం జరిగింది. ఈ ఫౌండేషన్ ద్వారా భారత దేశంలో, ప్రపంచంలోని పూర్వ విద్యార్థుల నుండి ఫండ్స్ సేకరించి వాటిని వివిధ రూపాలలో యూనివర్సిటీ అభివృద్ధికి ఉపయోగిస్తామన్నారు. ఈ ఫండ్స్ కు టాక్స్ ఎగ్జామ్ కూడా ఉంటుందన్నారు. ఈ ఫౌండేషన్ కు ఎవరైతే విరాళాలు అందిస్తారో వారి యొక్క పేర్లను ఆయా బిల్డింగులకు, ఆయా రూములకు పేరు పెట్టడం జరుగుతుంది.