ప్రముఖ నటి శ్రీదేవి నటనలోనే కాదు పెయింటింగులు వేయడంలోనూ అపార ప్రతిభ కనబర్చారనే విషయం కొందరికి మాత్రమే తెలుసు. శ్రీదేవి వేసిన పెయింటింగును 2010లో లండన్ నగరంలోని ప్రతిష్ఠాత్మక క్రీస్టీలో నిర్వహించిన వేలంలో రూ.22లక్షలకు ఓ వ్యక్తి సొంతం చేసుకున్నాడు. అయితే తన భార్య శ్రీదేవి వేసిన అద్భుత పెయింటింగులతో ముంబై నగరంలో ఓ ఎగ్జిబిషన్ నిర్వహించాలని బోనికపూర్ నిర్ణయించారు.శ్రీదేవి వేసిన పలు పెయింటింగులు ప్రస్థుతం ఇంట్లో ఉన్నాయి. విశిష్ట పెయింటరుగా శ్రీదేవి వేసిన పెయింటింగులను సేకరించి ఆమె జ్ఞాపకార్థం ఎగ్జిబిషన్ నిర్వహించడానికి బోనీకపూర్ సన్నాహాలు చేస్తున్నారు.