నాగార్జున - ఆర్జీవీ కాంబినేషన్‌లో వచ్చిన ‘ఆఫీసర్’ మూవీ  థియేటర్స్‌లో విడుదలైంది. ఎప్పుడో 28 ఏళ్ల క్రితం ‘శివ’ లాంటి బ్లాక్ బస్టర్ హిట్ మూవీ.. వీరి కాంబినేషన్‌లో రావడంతో ‘కాంబో ఈజ్ బ్యాక్’ అనే ప్రచారం బాగా నడించింది. ఇక ఈ చిత్రంపై నాగ్, వర్మలు సైతం బాగా హైప్ తీసుకువచ్చారు. ఈ మూవీ ఆడియో వేడుకలో అయితే వర్మతో కలిసి అక్కినేని ఫ్యామిలీ భజన మామూలుగా లేదు. వర్మ గారు తోపు.. తరుము అంటూ గత చరిత్రను తెగపొగిడేశారు. ఈ నాగ్ అయితే వర్మ ఈ సినిమా హిట్ కాకపోతే వచ్చి ఎక్కడో తన్నమని అన్నాడంటూ చెప్పుకురావడంతో వర్మ మారేడేమో.. నిజంగానే ‘శివ’ రేంజ్‌లో ఆఫీసర్ మూవీని ఉంటుందేమో అని నాగ్ అభిమానులు ఆశపడ్డారు. అయితే వర్మ సినిమాలకు ఏదో ఆశించి వెళ్తే రిజల్ట్ ఎలా ఉంటుందో మరోసారి నిరూపించారాయన. సీన్ కట్ చేస్తే.. ‘ఆఫీసర్’ ఆన్ ఆఫ్ డ్యూటీ‌తో బిస్కెట్ అయ్యింది. వర్మ సినిమాలను ఇష్టపడేవారు తప్పితే కామన్ ఆడియన్స్ మాత్రం వర్మా.. ఏంటీ కర్మ అంటూ పెదవి విరిస్తున్నారు. ఇదిలా ఉంటే తాజా మూవీపై నాగ్ శ్రీమతి.. నాటి ‘శివ’ హీరోయిన్ అమల పొగడ్తల వర్షం కురిపిస్తున్నారు. ‘నా భర్త ఇలాంటి సినిమా చేసినందుకు ఎంతో గర్వంగా ఫీలవుతున్నా.. మా ‘ఆఫీసర్’ అద్భుతం, వర్మ కథనాన్ని వివరించిన తీరును అమోఘం అంటూ తెగ పొగిడేస్తున్నారు. ట్విట్టర్ వేదికగా ‘ఆఫీసర్’ చిత్రం గురించి.. బ్రిలియంట్ ఫిల్మ్, బ్రిలియంట్ ఫెర్ఫామెన్స్.. నో నాన్సెస్.. స్ట్రైట్ ఫార్వడ్ మూవీ అంటూ తన ఆఫీసర్‌ను తెగపొగిడేశారు. అయితే అమల ఆఫీసర్ మూవీ ఇంతిలా పొగుడుతూ చేసిన ట్వీట్‌పై నెటిజన్లు ఓ రేంజ్‌లో సెటైర్‌లు వేస్తున్నారు.