భరత్ అనే నేను’ హిట్ తర్వాత స్పెయిన్‌లో తన కుటుంబంతో హాలీడేస్ గడుపుతున్న మహేష్ బాబుకు జూనియర్ ఎన్టీఆర్ పెద్ద పరీక్షే పెట్టాడు. స్పెయిన్ నుంచి తిరిగి రాగానే మహేష్ బాబు.. వంశీ పైడిపల్లి దర్శకత్వంలో తెరకెక్కనున్న తన 25వ చిత్రం కోసం మహేష్ బాబు కొత్త లుక్‌లో కనిపించనున్నాడు. ఈ సందర్భంగా గడ్డం, జుట్టు పెంచుతున్నాడు.అయితే, ఫిట్‌నెస్ ఛాలెంజ్‌లో భాగంగా ఎన్టీఆర్ ఇటీవల ట్విట్టర్ ద్వారా.. రామ్ చరణ్, మహేష్ బాబులకు సవాల్ విసిరాడు. రామ్ చరణ్‌కు ట్విట్టర్ అకౌంట్ లేకపోవడంతో భార్య ఉపాసనకు ట్వీట్ చేసి రామ్ చరణ్‌కు తన సవాల్ గురించి చెప్పమన్నాడు. 

 మహేష్ బాబు ఈ సవాల్‌కు స్పందిస్తాడా లేదా అనే ఆసక్తి నెలకొంది. ఎందుకంటే మహేష్ బాబు కొత్త లుక్‌ను చిత్రయూనిట్ గోప్యంగా ఉంచాలని, అభిమానుల్లో ఆసక్తి పెంచాలనే యోచనలో ఉంది. అయితే, ఫిట్ నెస్ సవాల్‌ను స్వీకరించి, మహేష్ బాబు తన వీడియోను పోస్ట్ చేయడానికి సిద్ధమైతే తప్పకుండా తన కొత్త లుక్‌ బయటపెట్టాల్సి వస్తుంది. ఒక వేళ పోస్ట్ చేయకపోతే ఎన్టీఆర్ సవాల్‌కు మహేష్ వెనక్కితగ్గినట్లవుతుంది. మరి, సీఎంగారు ఏం చేస్తారో చూడాలి!!