రవితేజ హీరోగా శ్రీనువైట్ల దర్శకత్వంలో తెరకెక్కుతున్న సినిమా కోసం దర్శకుడు శ్రీనువైట్ల సరికొత్త టెక్నాలజీలను వినియోగిస్తున్నారు. అమెరికాలోని విభిన్న వాతావరణ పరిస్థితుల్లో షూటింగ్‌ చెయ్యడం కోసం ఈ టెక్నాలజీ వాడుతున్నారు.

అమర్ అక్బర్ అంథోని చిత్ర షూటింగ్ మొత్తం అమెరికాలో జరుపుకోనుంది. ఇప్పటికే ఒక షెడ్యూల్ యు.ఎస్ లో పూర్తి అయ్యడం జరిగింది. ఈ సినిమాకు రెడ్ మాన్‌స్ట్రో కెమెరా, జీస్ సుప్రీమ్ లెన్సెస్‌ల‌ని ఉప‌యోగిస్తున్నారు. తెలుగులో 8కే రెజెల్యూష‌న్ కెమెరాతో రూపొందుతున్న మొదటి సినిమా "అమర్ అక్బర్ అంథోని". ఈ టెక్నాలజీతో ప్రేక్షకులు కొత్త అనుభూతిని పొందుతారు. మైత్రి మూవీస్ మేకర్స్ సంస్థ నిర్మించబోతున్న ఈ మూవీలో రవితేజ సరసన ఇలియానా హీరోయిన్ గా నటిస్తోంది. సునీల్ ఈ సినిమాలో ముఖ్య పాత్రలో కనిపించబోతున్నాడు.

నటీనటులు:

రవితేజ, ఇలియానా, సునీల్, లయ, అభిమన్యు సింగ్, తరుణ్ అరోరా, విక్రమ్ జీత్ సింగ్, షియాజి షిండే, ఆదిత్య మీనన్, వెన్నెల కిషోర్, సత్య, జయప్రకాష్ రెడ్డి, షకలక శంకర్ మరియు శుభలేఖ సుధాకర్.