రాచకొండ
రాచకొండ పోలీసులకు వచ్చిన సమాచారం ఆధారంగా పిల్లలని విక్రయించే ఈ ముఠా పట్టుబడింది. నెల నుంచి రెండేళ్ల వయసున్న పిల్లలను అమ్ముతున్నట్లు సమాచారం వచ్చిందని రాచకొండ సీనీ తరుణ్ జోషి అన్నారు.  వీరంతా పిల్లలు లేని వారికి ఈ పిల్లలను అమ్ముతున్నట్లుగా సమాచారం వచ్చింది.ఇటీవల మేడిపల్లిలో శోభ రాణి, సలీం, స్వప్న లను అరెస్టు చేయడం జరిగింది. వారిని అరెస్టు చేసిన సమయంలో ఇద్దరు చిన్నారులను రక్షించాము. 23 రోజులు ఉన్న ఇద్దరు చిన్నారులని స్వాధీనం చేసుకున్నాము. మరింత లోతుగా  ఈ కేసుదర్యాప్తు  చేశాము. ఈ రాకెట్ తో సంబంధం ఉన్న ఏజెంట్లు, సబ్ ఏజెంట్లను పట్టుకున్నాము. మొత్తం ఎనిమిది మందిని అరెస్టు చేశాము. ఢిల్లీ, పూణెల నుంచి  చిన్నారులను తీసుకొచ్చి అమ్ముతున్నట్లు గుర్తించాము. ఈ కేసులో మొత్తం 16మంది మంది చిన్నారులను రక్షించాము. ఢిల్లీ,పూణెలోఉన్నవారిని పట్టుకోవడానికి ప్రత్యేక టీమ్ వెళ్ళిందని అయన అన్నారు.