ఒకే ఒక్కడు  విరాట్‌,ఫోర్బ్స్‌ టాప్‌-100లో ఏకైక క్రికెటర్‌. ప్రపంచం లో అత్యధికంగా ఆర్జిస్తున్న అథ్లెట్ల జాబితాలో విరాట్‌ కోహ్లీకి కూడా చోటు లభించింది. ఫోర్బ్స్‌ మ్యాగజైన్‌.. ‘వరల్డ్స్‌ హయ్యస్ట్‌ పెయిడ్‌ అథ్లెట్స్‌ 2018’ టాప్‌- 100 జాబితాను విడుదల చేసింది. ఈ జాబితా ప్రకారం ఏడాదికి రూ. 160 కోట్లు ఆర్జిస్తున్న కోహ్లీ 83వ స్థానంలో నిలిచాడు. అమెరికా ప్రొఫెషనల్‌ బాక్సర్‌ ఫ్లాయిడ్‌ మేవెదర్‌ రూ. 1907 కోట్లతో అగ్రస్థానంలో నిలవగా.. ఫుట్‌బాల్‌ స్టార్లు మెస్సీ (రూ. 742 కోట్లు), క్రిస్టియానో రొనాల్డో (రూ. 722 కోట్లు) రెండు, మూడు స్థానాల్లో ఉన్నారు. స్విస్‌ టెన్నిస్‌ దిగ్గజం ఫెడరర్‌ ఏడు.. స్పెయిన్‌ బుల్‌ నడాల్‌ 20వ స్థానాల్లో నిలిచారు.