హైదరాబాద్
మియాపూర్ లో నివాసం ఉండే  ఓ సినీ దర్శకుడు అదృశ్యం అయిన సంఘటన మియాపూర్ పోలీస్ స్టేషన్ పరిధిలో జరిగింది. పోలిసులు తెలిపిన వివరాల ప్రకారం. మియాపూర్ ఫ్రెండ్స్ కాలనీ యస్వీహెచ్ ప్లాజాలో  నివాసం ఉంటున్న ఓంరమేష్ కృష్ణ (46) సినీపరిశ్రమలో దర్శకుడిగా పనిచేస్తున్నారు.
ఈ నెల 4వ తేదీ ఉదయం పని నిమిత్తం బయటకు వెళ్ళారు . అయితే అతను తిరిగి ఇంటికి రాలేదు. దీంతో అతని భార్య , కుటుంబ సభ్యులు అతని కోసం ఎంత వెతికినా అతని జాడ దొరకలేదు. అతని భార్య శ్రీదేవి మంగళవారం మియాపూర్ పోలీస్ స్టేషన్లో ఫిర్యాదు చేశారు. పోలీసులు కేసు నమోదు చేసుకొని దర్యాప్తు చేస్తున్నారు.