విశ్వనాధ్ ఫిలిం ఫ్యాక్టరీ, శ్రీలక్ష్మి వెంకటాద్రి క్రియేషన్స్ పతాకాలపై స్టార్ యాక్టింగ్ స్టూడియో సమర్పణలో నిర్మిస్తున్న చిత్రం ‘యమ్6’. జైరామ్ దర్శకుడు. విశ్వనాథ్ తన్నీరు, సురేష్ నిర్మాతలు. ధ్రువ, శ్రావణి, అశ్విని హీరో, హీరోయిన్లుగా నటిస్తున్న ఈ చిత్రం పోస్ట్ ప్రొడక్షన్ కార్యక్రమాలు పూర్తి చేసుకొని త్వరలో విడుదలకు సిద్ధమైంది. నిర్మాత విశ్వనాథ్ తన్నీరు మాట్లాడుతూ ‘‘ఈ సినిమాను క్వాలిటీలో రాజీ పడకుండా నిర్మించాం. ఈ చిత్రంలోని ‘ఈ క్షణం..’ అనే మెలోడియస్ పాటను అరకు, మంగళూరులోని అందమైన లొకేషన్స్‌లో చిత్రీకరించడం జరిగింది. సస్పెన్స్ థ్రిల్లర్‌గా రూపొందుతున్న ఈ సినిమా అన్నివర్గాల ప్రేక్షకుల్ని ఆకట్టుకుంటుంది. త్వరలోనే చిత్రాన్ని విడుదల చేసేందుకు సన్నాహాలు చేస్తున్నాం’’ అన్నారు.దర్శకుడు జైరామ్ మాట్లాడుతూ ‘‘ఈ చిత్రంలో సస్పెన్స్‌తో పాటు కామెడీ, యాక్షన్ సన్నివేశాలు హైలైట్‌గా నిలుస్తాయి. టెక్నికల్‌గా మంచి స్టాండర్డ్స్‌లో ఈ చిత్రాన్ని రూపొందిచాం. చక్కని ఫోటోగ్రఫీ, వీనుల విందైన సంగీతం ఈ సినిమాకి ప్లస్ పాయింట్స్‌గా నిలుస్తాయి’’ అన్నారు. హీరో ధ్రువ మాట్లాడుతూ ‘‘ఇది నా తొలి చిత్రం. ఓ మంచి చిత్రం ద్వారా హీరోగా పరిచయం అవుతున్నందుకు చాలా సంతోషంగా ఉంది’’ అన్నారు.