జూనియర్ ఎన్టీఆర్ అన్నీ తానై నడిపించిన బిగ్ బాస్ సీజన్ 1 బుల్లి తెరపై బ్లాక్ బస్టర్ హిట్ కావడంతో ఇంకాస్త మసాలా జోడిస్తూ.. నేచురల్ స్టార్ నాని బిగ్ బాస్ సీజన్ 2‌‌తో జూన్ 10న ప్రేక్షకుల ముందుకు వచ్చేశారు. గతంతో పోల్చుకుంటే ఇంకాస్త మసాలా.. ఏదైనా జరగొచ్చు అంటూ టీ గ్లాస్‌తో నాని.. ఎన్టీఆర్‌ని మరిపించే ప్రయత్నం చేస్తున్నా.. జూనియర్ మించలేకపోతున్నాడు ఈ నేచురల్ స్టార్. అయితో మొదట్లో బిగ్ బాస్ సీజన్ 1కి ఇదే విధంగా సో.. సో ‌సాగి ఆ తరువాత పుంజుకుంది. మరి నాని అదే స్థాయిలో ప్రేక్షకులకు బోర్ కొట్టించకుండా బిగ్‌బాస్‌ను నటిపిస్తాడేమో చూడాలి. ఇక కంటెస్టెంట్స్ విషయానికి వస్తే.. గతంతో పోల్చుకుంటే ఈ సీజన్‌లో పెద్దగా పాపులర్ అయిన సెలబ్రిటీలు లేకపోవడం ప్రేక్షకుల పెదవి విరుపుకి ప్రధాన కారణం. సీజన్ 1లో సంపూర్ణేష్ బాబు, ధనరాజ్, ప్రిన్స్, ముమైత్ ఖాన్, శివబాలాజీ లాంటి పరిచయమైన పేర్లు చాలా ఉన్నాయి. అయితే ఈసారి మాత్రం పెద్దగా ప్రేక్షకులకు ఐడెంటిఫై కానివారే ఎక్కువ మంది ఉన్నారు. గీతా మాధురి, తేజస్వి మదివాడ తప్పితే మిగిలిన వారందరూ పెద్దగా పాపులర్ కాని వారే. అయితే ఈ 16 మందిలో ముగ్గుర్ని సామాన్యుల్ని ఎంపిక చేయడం సంతోషించతగ్గ విషయమే. అయితే పాపులర్ కాని వారినే పాపులర్ చేయడమే కదా బిగ్ బాస్ అసలు కాన్సెప్ట్. ఇదిలా ఉంటే బిగ్ బాస్ సీజన్ 2 రెమ్యునరేషన్ విషయానికి వస్తే.. హోస్ట్‌గా వ్యవహరిస్తున్న నానికి 100 ఎపిసోడ్‌లకు మొత్తంగా రూ.3.5 కోట్ల భారీ అమౌంట్ ముట్టినట్లు తెలుస్తోంది. 100 ఎపిసోడ్‌లకు గానూ ఒక్కో ఎపిసోడ్‌కు 10 లక్షల చొప్పున వారంలో రెండు రోజులు అంటే శని, ఆది వారాల్లో హోస్టింగ్ చేయనున్నారు నాని. ఇక కంటెస్టెంట్స్ విషయానికి వస్తే సింగర్ గీతా మాధురి అందరి కంటే అత్యధికంగా రూ.20 లక్షల రెమ్యునరేషన్ అందుకున్నట్లు తెలుస్తోంది. కంటెస్టెంట్స్ రెమ్యునరేషన్స్ వరుసగా.. 

1. గీతా మాధురు రూ. 20 లక్షలు 

2. తనీష్ రూ. 8 లక్షలు 

3.  తేజస్విని   రూ. 8 లక్షలు 

4. బాబు గోగినేను రూ. 8 లక్షలు 

5. యాంకర్ శ్యామల రూ. 5 లక్షలు 

6. దీప్తి సునైనా రూ. 5 లక్షలు 

7. రోల్ రైడా రూ. 5 లక్షలు 

8. సామ్రాట్ రెడ్డి రూ. 5 లక్షలు 

9. కిరీటి దామరాజు రూ. 5 లక్షలు 

11. అమిత్ తివారి రూ. 5 లక్షలు 

12. భాను శ్రీ రూ. 5 లక్షలు 

13.tv 9 రిపోర్టర్ దీప్తి రూ. 3 లక్షలు 

14. గణేష్ రూ. 3 లక్షలు 

15. నూతన్ నాయుడు రూ. 3 లక్షలు 

16. సంజనా అన్నే రూ. 3 లక్షలు