ఇటీవల కాలంలో 'కృష్ణ అర్జున యుద్ధం' సినిమాతో మన ముందు కి వచ్చిన నాని, వరుసగా సినిమాలు చేస్తున్నాడు. శ్రీరామ్ ఆదిత్య దర్శకత్వంలో నాని ఒక మల్టీ స్టార్రర్ మూవీ చేస్తున్నాడు. ఈ సినిమా తరువాత నాని మరో కొత్త ప్రాజెక్టు చేయడానికి రెడీ అవుతున్నాడు. ఈ ప్రాజెక్టును గురించి అధికారిక ప్రకటనగా ఒక స్పెషల్ పోస్టర్ ను తాజాగా రిలీజ్ చేశారు. ఈ సినిమాకి 'జెర్సీ' అనే టైటిల్ ను ఖరారు చేశారు. సితార ఎంటర్టైన్మెంట్స్ బ్యానర్ పై రూపొందనున్న ఈ సినిమాకి గౌతమ్ దర్శకుడిగా వ్యవహరించనున్నాడు. నాని కి ఇది 23 వ చిత్రం.