టాలీవుడ్ సెక్స్ రాకెట్‌పై యాంకర్ లాస్య సంచలన వ్యాఖ్యలు చేసింది. కాస్టింగ్ కౌచ్ విషయాలు వెలుగులోకి వచ్చినట్టుగానే అమెరికాలో జరుగుతున్న సెక్స్ రాకెట్ గుట్టు కూడా బయటకు వస్తే బాగుంటుందని భావించానని ఆమె తెలిపింది. టాలీవుడ్‌లో ‘కమిట్‌మెంట్’ అడిగినట్టుగానే.. అమెరికాలో ‘షాపింగ్‌’కి ఒప్పుకొంటారా? అని అడుగుతారని లాస్య చెప్పింది. షాపింగ్‌కి ఓకే అంటే అన్నింటికీ ఓకే చెప్పినట్టేనని ఆమె తెలిపింది. పద్ధతిగా సంప్రదాయబద్ధంగా ఉన్న వాళ్లను కూడా అడుగుతున్నారని లాస్య వాపోయింది. యాంకర్‌గా మంచి పీక్ పొజిషన్లో ఉన్నప్పుడే పెళ్లి చేసుకొని అమెరికా వచ్చాను. నేను ఇండియాలో వర్క్ చేశానని చెప్పొద్దని ఇక్కడ అందర్నీ వేడుకుంటున్నా. మీడియాలో పని చేశానంటే నేను తప్పు చేశానని అన్నట్టుగా వెటకారంగా నవ్వుతున్నారని ఆమె వాపోయింది. కొందరు నెలల తరబడి ఇక్కడే ఉంటారు. ఒక ఆమె నెలల తరబడి ఇక్కడే ఉండిపోయింది. హ్యాపీగా గడిపేసింది. చిన్నవాళ్లను వదిలేయండి. ఇక్కడంతా పెద్దవాళ్లే తప్పు చేస్తారు. దాన్ని ఎంకరేజ్ చేసే వాళ్లున్నారు. నేను ఇక్కడ ఏ ఈవెంట్‌ దరిదాపుల్లోకి వెళ్లను. దీనికి కారణం చెత్త వెధవలు. తానా, ఆటల్లోని పెద్ద వాళ్లంతా వెధవలే’’ అని లాస్య చెప్పింది. నాకు తెలిసిన పెద్ద ఆర్టిస్ట్ ఇలా అమెరికా వెళ్లి బాగా సంపాదించానని చెప్పుకొంది. ప్రస్తుతం ఆవిడ సినిమాల్లో పెద్ద హీరోయిన్‌గా సెకండ్ హీరోయిన్‌గా చేస్తోంది. నెల రోజుల్లోనే రూ.80 లక్షలు సంపాదించుకున్నానని గర్వంగా చెప్పుకొంది. ఇది ఆమె రెమ్యూనరేషన్ కంటే ఎక్కువ’’ అని లాస్య చెప్పింది. ఈవెంట్ల కోసమని చాలా పెద్ద ఆర్టిస్టులు ఇక్కడికి వస్తారు. కానీ కాసేపే స్టేజి మీద ఉంటారు. తర్వాత వెంటనే హోటల్ గదుల్లోకి వెళ్లిపోతారు. అందులోనే ఎక్కువగా గడుపుతారు. ఆమె గదికి ఇంత మంది వచ్చి వెళ్లిపోయారని చెప్పుకుంటారని లాస్య చెప్పింది. న్యూజెర్సీకి చెందిన ఒకాయన పెద్ద పెద్ద ఆర్టిస్టులతో ఫేస్‌బుక్‌లతో ఫొటోలు, వీడియోలు దిగి పెడతాడు. పెద్ద పెద్ద యాంకర్లతో పడుకున్నానని నాతో చెప్పాడు. నువ్వుంత ఆఫ్ట్రాల్. నా దగ్గరికి రాకపోతే అమెరికాలో నువ్వెప్పుడూ స్టేజి ఎక్కలేవు అని నన్ను బెదిరించాడు. అప్పటి నుంచి ఇప్పటి వరకు ఇంత వరకూ ఒక్క ఈవెంట్‌కు వెళ్లలేదు. ఇలాంటి బ్యాడ్ ఎక్స్‌పీరియన్స్ వల్ల ఈవెంట్లలో పాల్గొనట్లేదని లాస్య చెప్పుకొచ్చిందినా పిల్లలు, భర్తతో దిగిన ఫొటో చూసి ఒక డైరెక్టర్ నన్ను సంప్రదించారు. మెసేంజర్‌లో మెసేజ్ పెట్టారు. మీరు చాలా బాగున్నారు, సినిమాల్లో ఎందుకు ట్రై చేయొద్దని నన్ను, మా వారిని కన్విన్స్ చేశారు. మిడిల్స్ కనిపించేలా ఫొటోలు పెట్టమన్నారు. నేను కుదరదని చెప్పాను. అప్పుడే భయంతో ఫేస్‌బుక్ ప్రొఫైల్ తొలగించానని లాస్య చెప్పింది. నేను ఆరంభంలో ఈవెంట్లలో పాల్గొనేదాన్ని. కానీ ఇక్కడి ఆర్గనైజర్లు తప్పుగా ప్రవర్తించేవారు. ఒకసారి ఓ ఆర్గనైజర్‌కి వార్నింగ్ ఇచ్చాను. అందుకే నన్ను మళ్లీ పిలవరు. వాట్సాప్‌లో మన ఫెర్ఫార్మెన్స్ లింక్ పంపమంటారు. వెంటనే ఐలవ్యూ అని మెసేజ్ వస్తుంది. దీన్ని బట్టే మనం అర్థం చేసుకోవచ్చు. పెళ్లయిన అమ్మాయికి ఐలవ్యూ చెప్పారంటే వారేం కోరుకుంటున్నారో అర్థం చేసుకోవచ్చని లాస్య చెప్పింది.