65వ సౌత్ ఫిల్మ్ ఫేర్ అవార్డ్స్  కార్యక్రమం నిన్న రాత్రి హైదరాబాద్ లోని హెచ్ఐసీసీలో వైభవంగా జరుగగా, తెలుగు, త‌మిళ‌, కన్నడ, మలయాళ చిత్ర పరిశ్రమలకు చెందిన నటీనటులు పెద్ద ఎత్తున పాల్గొన్నారు.  తెలుగులో ఉత్తమ చిత్రంగా బాహుబలి 2 నిలువగా, ఉత్తమ దర్శకుడిగా అదే చిత్రానికి రాజమౌళి అవార్డును అందుకున్నారు. ఉత్తమ నటుడిగా విజయ్ దేవరకొండ (అర్జున్ రెడ్డి), ఉత్తమ నటిగా సాయి పల్లవి (ఫిదా), ఉత్తమ నటుడు (క్రిటిక్స్ చాయిస్)గా వెంకటేష్ (గురు), ఉత్తమ నటి (క్రిటిక్స్ చాయిస్)గా రితికా సింగ్ (గురు), ఉత్తమ సహాయ నటిగా రమ్యకృష్ణ (బాహుబలి 2), ఉత్తమ సహాయ నటుడిగా రానా దగ్గుబాటి (బాహుబలి 2), ఉత్తమ నటి (తొలి పరిచయం)గా కల్యాణ్ ప్రియదర్శన్ (హలో) అవార్డులు పొందారు.