శనివారం జరిగిన ఫిలింఫేర్‌ అవార్డుల కార్యక్రమంలో ‘అర్జున్‌రెడ్డి’ సినిమాకు గానూ విజయ్‌ ఉత్తమ నటుడిగా అవార్డు అందుకున్నారు. కానీ ఈ అవార్డును సీఎంఆర్‌ఎఫ్‌కు ఇచ్చేస్తానని అంటున్నారు విజయ్‌. అవార్డు అందుకున్న సందర్భంగా తన అభిప్రాయాలను ట్విటర్‌ ద్వారా వెల్లడించారు.  ఈ అవార్డును ముఖ్యమంత్రి రిలీఫ్‌ ఫండ్‌కు ఇచ్చేద్దామనుకుంటున్నాను. వాళ్లు ఇందుకు ఒప్పుకుంటే రేపే వెళ్లి ఇచ్చేస్తాను. ఈ అవార్డు నా ఇంట్లో ఉండటం కంటే నేను పుట్టిన ఈ నగరానికి ఎంతో ఉపయోగపడుతుంది. రోజూ ట్విటర్‌లో చూస్తుంటా.. ఎంతో మంది సాయం చేయమని అడిగితే కేటీఆర్‌ అన్న సీఎంఆర్‌ఎఫ్‌ ద్వారా వెంటనే సాయం చేస్తారు.ఇది ఎలా జరుగుతుందో తెలీదు కానీ నాకు అనిపించింది కమిట్‌ అయిపోయా. దీనిని విజయవంతం చేయడానికి ఇది తొలి అడుగు. లెట్స్‌ డూ దిజ్‌’ అని పేర్కొన్నారు విజయ్‌.