ప్రముఖ వాయులింగ క్షేత్రంగా పేరుగాంచిన శ్రీకాళహస్తి ఆలయంలో స్వామి, అమ్మవార్లను నగరి ఎమ్మెల్యే రోజా దర్శించుకున్నారు. ఆమెకు వైసిపి నాయకులు ఘన స్వాగతం పలికారు. అనంతరం గురు దక్షిణమూర్తి వద్ద వేదపండితులచే ఆశీర్వచనలు ఇప్పించి స్వామి అమ్మవార్లు తిర్దప్రసాదాలు అందజేశారు. అనంతరం రోజా మీడియాతో మాట్లాడుతూ ప్రధాని మోదీని నిలదీస్తానని ఘీంకరిస్తూ ఢిల్లీ వెళ్లిన సీఎం చంద్రబాబు, చివరకు ఆయనకు వంగి వంగి సలాములు చేశారని విమర్శించారు. చంద్రబాబు పోరాటాలు చేసే వ్యక్తి కాదని, ఆయన ఓ అవకాశవాది అని, అందితే జుట్టు, లేకుంటే కాళ్లు పట్టుకునే వ్యక్తి అని, ఢిల్లీలో భూకంపం సృష్టిస్తానన్న చంద్రబాబు అక్కడకు వెళ్లి ఏం సాధించారో చెప్పాలని డిమాండ్ చేశారు. నీతి ఆయోగ్ సమావేశంలో పాల్గొనడానికి వెళ్తూ తన ఉగ్రరూపం చూడనున్నారని చంద్రబాబు ప్రచారం చేసుకున్నారనీ, పచ్చ పత్రికల్లో పుంఖానుపుంఖానులుగా కథనాలు అచ్చు వేయించుకున్నారని విమర్శించారు. వాస్తవంగా జరిగింది చంద్రబాబు మోదీకి వంగి వంగి దండాలు పెట్టడమే కోసమే డిల్లీకి వేళ్ళారాని మోదీని కలిసిన సమయంలో చంద్రబాబు ముఖంలో ఓ పక్క భయం, మరో పిచ్చినవ్వు కన్పించిందని ఎద్దేవా చేశారు. అవినీతి ముఖ్యమంత్రి నీతి ఆయోగ్ సమావేశంలో ఏమి మాట్లాడతారని ప్రశ్నించారు. ఢిల్లీ వేదికగా మరోసారి రాష్ట్రాన్ని ముంచారని ధ్వజమెత్తారు.