- లాస్‌ ఏంజిల్స్‌లో ఇన్వెస్ట్‌మెంట్ రోడ్‌ షో..

: దావోస్ పర్యటనను ముగించుకొని ఏపీ ఐటీ శాఖ మంత్రి నారా లోకేష్ అమెరికా పర్యటనకు వెళ్లిన విషయం తెలిసిందే. ఈ సందర్భంగా అక్కడ పలువురు పారిశ్రామిక వేత్తలతో ఆయన భేటీ అవుతున్నారు. ఇక సోమవారం పర్యటనలో భాగంగా లాస్ ఏంజిల్స్‌లో ఆయన ఇన్వెస్ట్‌మెంట్ రోడ్‌ షోను నిర్వహించారు. ఇందులో భాగంగా ఎలక్టో హెల్త్ కేర్ సీఈవో లక్ష్మణ్ రెడ్డిని కలుసుకున్నారు.

ఈ సందర్భంగా నారా లోకేష్ మాట్లాడుతూ.. హాస్పిటల్ మేనెజ్‌మెంట్, హెల్త్ సర్వీసెలో ఉన్న హెల్త్ కేర్ మెడ్ టెక్ అభివృద్ధి కోసం ఏపీ ప్రభుత్వం చర్యలు తీసుకుంటుందని చెప్పారు. రాష్ట్రంలో మెడకల్ పరికరాల తయారీ రంగాన్ని ప్రోత్సహిస్తున్నామని, కంపెనీలకు రాయితీలు కల్పిస్తున్నామని తెలిపారు. అనంతరం మాట్లాడిన లక్ష్మణ్ రెడ్డి ఇండియాలో తమ కంపెనీ కార్యాకలాపాలను విస్తరించేందుకు త్వరలోనే పూర్తి స్థాయి ప్రణాళికతో ఏపీకి వస్తామని చెప్పారు.