సంపత్ నంది అటు దర్శకత్వంతో పాటు ఇటు నిర్మాతగా కూడా వ్యవహరిస్తూ  రెండు పడవల ప్రయాణం చేస్తున్నారు.  ఏమైంది ఈ వేళ అంటూ డైరెక్షన్ ఎంట్రీ ఇచ్చిన ఈ డైరెక్టర్.. ఆ తర్వాత రచ్చ అంటూ రాంచరణ్ మూవీతో మంచి సక్సెస్ నే అందుకున్నాడు. ఆ తర్వాత వచ్చిన బెంగాల్ టైగర్, గౌతమ్ నంద సినిమాలు మాత్రం సంపత్‌ ని నిరాశ పరిచాయి. 

మరోవైపు గాలిపటం అనే ఓ సినిమాకు నిర్మాణ భాగస్వామిగా వ్యవహరించాడు ఈ దర్శకుడు. ఆ సినిమా కూడా అనుకున్నంత ఫలితాన్ని ఇవ్వలేరు. ఇప్పుడు మరో మూవీని నిర్మిస్తున్నాడు సంపత్ నంది. పేపర్ బోయ్ అంటూ తెరకెక్కుతున్న ఈ సినిమాలో.. ఫిలిం మేకర్ శోభన్ కుమారుడు సంతోష్ శోభన్ హీరోగా నటిస్తున్నాడు. ప్రియ హర్షి.. తాన్యాలు హీరోయిన్లుగా నటిస్తున్నారు. ఈ సినిమా ఫస్ట్ లుక్ తాజాగా రిలీజ్‌ అయి మంచి రెస్పాన్స్ నే రాబడుతుంది. నిర్మాతగా లోబడ్జెట్ తో సినిమాలు రూపొందిస్తున్నాడు సంపత్ నంది.. పేపర్ బోయ్ విషయంలో ఎలాంటి స్టోరీని ఎంచుకున్నాడో చూడాలి. హీరో అండ్ డైరెక్టర్ కొత్త వాళ్లతోనే ఈ సినిమాని నిర్మించాడు సంపత్ నంది. మరి సంపత్ నంది  ఈ తాజా ప్రయెగం ఏ రిజల్ట్స్ ఇస్తుందో తెలియాలంటే మరి కొన్ని రోజులు వెయిట్ చేయాల్సిందే.