-  చేనేత కళ అంతరించి పోకుండా చూస్తా.. పవన్ కల్యాణ్

ధర్మవరం చేనేత కార్మికుల నైపుణ్యాన్ని ప్రపంచం దృష్టికి తీసుకెళ్లేందుకు కృషి చేస్తానని జనసేన అధినేత పవన్ కల్యాణ్ మాటిచ్చారు. పవన్  అనంతపురం జిల్లా పర్యటనలో భాగంగా సోమవారం చేనేత కార్మికులతో సమావేశమాయ్యారు. జిల్లాలోని ధర్మవరంలో పర్యటిస్తున్న పవన్.. అక్కడ చేనేత కార్మికుల సమస్యలను అడిగి తెలుసుకున్నారు. అక్కడ ఓ అభిమాని 'అజ్ఞాతవాసి' చిత్రంతో రూపొందించిన పట్టువస్త్రాన్ని పవన్‌కు బహూకరించారు. ఆ వస్త్రాన్ని పరిశీలించిన పవన్ వాళ్లను మెచ్చుకున్నారు.  కార్మికుల సమస్యలను కేంద్ర, రాష్ట్ర ప్రభుత్వాల దృష్టికి తీసుకెళ్తానని, చేనేత కళ అంతరించి పోకుండా చూస్తానని, చేనేత కార్మికులెవరూ ఆత్మహత్యలకు పాల్పడవద్దని పవన్ కల్యాణ్ కోరారు.