'ఒక మనసు' సినిమాతో నటన పరంగా మంచి మార్కులు కొట్టేసిన నిహారిక, ఆతరువాత మంచి కథ కోసం వెయిట్ చేస్తూ కొంత గ్యాప్ తీసుకుంది. ఆమె కథానాయికగా నటించిన 'హ్యాపీ వెడ్డింగ్' త్వరలోనే ప్రేక్షకుల ముందుకు రానుంది.ఈ సినిమా విడుదలకి  సిద్ధమవుతుండగా  నిహారిక మరో ప్రాజెక్టును లైన్లో పెట్టేసింది. నిర్వాణ సినిమాస్ వారు తమ తొలి ప్రయత్నంగా ఈ సినిమాను నిర్మిస్తున్నారు. ప్రణీత దర్శకురాలిగా పరిచయమవుతోన్న ఈ సినిమాలో కథానాయకుడిగా రాహుల్ విజయ్ కనిపించనున్నాడు.