ఫలితంగా బీటీపీకి నీరురాక సుమారు 2 వేల మంది రైతు కుటుంబాలు రోడ్డునపడ్డాయి. పొట్టకూటి కోసం వివిధ ప్రాంతాలకు వలస వెళ్లే పరిస్థితులు దాపురించాయి. ప్రస్తుత ప్రభుత్వం, జిల్లా ప్రజాప్రతినిధులు, అధికారులు అడ్డుకట్టలపై స్పందించకపోతే జిల్లా రైతులకు నష్టం వాటిల్లే ప్రమాదం ఉంది. ప్రస్తుతం రాష్ట్ర ప్రభుత్వం బీటీపీకి కృష్ణా జలాలను తరలించే పనులను వేగవంతం చేసింది. ఇక కృష్ణా జలాలు వచ్చే వరకూ కర్ణాటక ప్రభుత్వం అక్రమ కట్టడాల వల్ల ప్రాజెక్ట్‌కు కర్ణాటక నుంచి నీరు చేరే పరిస్థితి కనబడటం లేదు. గత సంవత్సరంలా కర్ణాటక నుంచి ప్రాజెక్ట్‌కు నీరు వస్తాయన్న రైతుల ఆశలు గల్లంతయ్యే పరిస్థితి నెలకొంది.