జబర్దస్త్’ కామెడీ షో యాంకర్‌గా రష్మి తెలుగు ప్రేక్షకులకు సుపరిచితమే. కేవలం యాంకర్‌గానే ఉండిపోకుండా అడపదడపా సినిమాలు కూడా చేస్తోంది. హీరోయిన్‌గా తన అదృష్టాన్ని పరీక్షించుకుంటోంది. ప్రస్తుతం రష్మి హీరోయిన్‌గా తెరకెక్కిన చిత్రం ‘అంతకుమించి’. జై హీరో. సతీష్ జై ఫిలింస్ పతాకంపై సతీష్ గాజుల, ఎ.పద్మనాభరెడ్డి నిర్మించారు. హర్రర్ థ్రిల్లర్, రొమాంటిక్ ఎంటర్‌టైనర్‌గా తెరకెక్కిన ఈ చిత్రానికి జానీ దర్శకత్వం వహించారు. షూటింగ్ పూర్తిచేసుకుని సెన్సార్ కార్యక్రమాలకు సిద్ధమవుతోన్న ఈ చిత్రం ట్రైలర్‌ను ప్రముఖ దర్శకుడు సుకుమార్ ఆదివారం విడుదల చేశారు. అంతకుమించి ట్రైలర్ చాలా ఇంట్రెస్టింగ్‌గా ఉంది. ఇంప్రెస్ చేసింది. ట్రైలర్ చూశాక ఈ సినిమా ఎప్పుడెప్పుడు చూద్దామా అని నాకే అనిపిస్తుంది. టీమ్ అందరికీ ఆల్ ది బెస్ట్. సినిమా మంచి విజయం సాధించాలని కోరుకుంటున్నాను’ అన్నారు. నిర్మాతలు మాట్లాడుతూ.. ‘మా సినిమా ట్రైలర్‌ను సుకుమార్ గారి చేతుల మీదుగా విడుదల చేయడం ఆనందంగా ఉంది. మేం అడగగానే మా చిత్ర ట్రైలర్‌ని విడుదల చేసినందుకు సుకుమార్ గారికి మా చిత్ర టీం తరఫున ధన్యవాదాలు తెలుపుకుంటున్నాం. ప్రస్తుతం సినిమాకి సంబంధించి అన్ని కార్యక్రమాలు పూర్తయ్యాయి. సెన్సార్ కార్యక్రమాలు పూర్తవ్వగానే విడుదల తేదీ ప్రకటిస్తాం. హీరో జై మాట్లాడుతూ.. ‘ముందుగా సుకుమార్ గారికి ప్రత్యేక కృతజ్ఞతలు. ఈ చిత్రంలో మధ్య తరగతి యువకుడి పాత్రలో నటించాను. మన చుట్టుపక్కల చూసే ఓ సాదా సీదా కుర్రాడిగా కనిపిస్తాను. సహజంగా నటించే అవకాశమున్న పాత్ర. రష్మీతో కలిసి నటించడం సంతోషంగా ఉంది. ఆమె పాత్రకు తగ్గకుండా నా క్యారెక్టరైజేషన్ ఉంటుంది. రష్మి సహకారం మర్చిపోలేను. అందరం కథపై నమ్మకంతో ఉన్నాం. దర్శకుడు జానీ కథను మరింత బాగా తెరకెక్కించారు. ఈ చిత్రం మంచి విజయం సాధిస్తుందని నమ్మకంతో ఉన్నాం’ అన్నారు.దర్శకుడిగా నాకు తొలి చిత్రమిది. నా తొలి చిత్ర ట్రైలర్‌‌ను సుకుమార్ గారు విడుదల చేయడం ఎంతో ఆనందాన్నిచ్చింది. ఈ చిత్రంలో హీరో హీరోయిన్లు సహా అందరి పాత్రలు చాలా సహజంగా ఉంటాయి. మంచి సాంకేతిక నిపుణుల సహాయంతో అనుకున్న సమయానికి అనుకున్నట్లు చిత్రీకరణ జరిపాం. నిర్మాతలు ఎక్కడా రాజీ పడకుండా చిత్రాన్ని నిర్మించారు. హీరో జై, హీరోయిన్ రష్మీలకు గుర్తుండిపోయే చిత్రమవుతుందని నమ్ముతున్నాం’ అన్నారు. ఈ చిత్రంలో సూర్య, మధు నందన్, రవి ప్రకాష్, అజయ్ ఘోష్, జెమినీ సురేష్, టీవీ9 హర్ష, వంశీ ఇతర పాత్రల్లో నటించారు. సునీల్ కశ్యప్ సంగీతం అందించారు.