విమాన ప్రయాణికులకు శుభవార్త. ప్రముఖ విమానయాన సంస్థ ఎయిర్ ఏషియా ''లో ఫేర్ మ్యాడ్ నెస్ ''పేరిట సరికొత్త ఆఫర్ తెరపైకి తెచ్చింది. కేవలం రూ. 999కే విమాన ప్రయాణం అందిస్తోంది. ఈ ఆఫర్ డొమెస్టిక్ విమాన ప్రయాణికులకు మాత్రమే వర్తిస్తుంది. అంత‌ర్జాతీయ ప్ర‌యాణికుల‌కు రూ.3399 మొద‌లుకొని టిక్కెట్ల ధ‌ర‌లు ప్రారంభం అవుతున్నాయి. 

గోవా-హైదారాబాద్ మ‌ధ్య 9 జులై నుంచి జ‌న‌వ‌రి 31,2019 వ‌ర‌కూ చేసే ప్ర‌యాణాల‌కు టిక్క‌ట్ల ధ‌ర‌ల‌ను రూ.1999గా నిర్ణ‌యించింది. జులై 15 వ‌ర‌కూ ఈ ఆఫ‌ర్ అందుబాటులో ఉంటుంది. 'లో ఫేర్ మాడ్ నెస్   స్కీమ్‌లో భాగంగా 2019 ఫిబ్ర‌వ‌రి 1 నుంచి ఆగ‌స్టు 13,2019 మ‌ధ్య ప్ర‌యాణాల‌కు ఫ్లైట్ టిక్కెట్ల‌ను బుక్ చేసుకోవ‌చ్చు. అంతే కాకుండా త్వ‌ర‌లో అమ్రిత్‌స‌ర్-బెంగుళూరు మ‌ధ్య ఎయిర్ ఏసియా డైలీ స‌ర్వీసును ప్రారంభించ‌నుంది. దీనికి సంబంధించి జులై 10 నుంచి జ‌న‌వ‌రి 31,2019 వ‌ర‌కూ టిక్కెట్ ధ‌ర‌ను రూ.4099గాను, ఫిబ్ర‌వ‌రి 1- ఆగ‌స్టు 13,2019 వ‌ర‌కూ టిక్కెట్ ధ‌ర‌ను రూ.4499గా నిర్ణ‌యించింది.