బాలీవుడ్ ముద్దుగుమ్మ అనుష్క శర్మకు అరుదైన గౌరవం దక్కింది. సింగపూర్‌లోని మేడమ్‌ టుస్సాడ్స్‌ వ్యాక్స్‌ మ్యూజియంలో అనుష్క మైనవు విగ్రహం రాబోతోంది. ఇప్పటికే ఎందరో సెలబ్రిటీల మైనపు విగ్రహాలు వచ్చాయి. కానీ అనుష్క విగ్రహాన్ని మాత్రం ప్రత్యేకంగా రూపొందించబోతున్నారు.  ఇంటరాక్టివ్‌ ఫిగరిన్‌ పేరిట ఈ మైనపు విగ్రహాన్ని రూపొందించనున్నారు. దీనివల్ల అనుష్క మైనపు విగ్రహంతో అభిమానులు మాట్లాడొచ్చు కూడా. వీక్షకులు సెల్ఫీ తీసుకోవడంతో పాటు దానికి ఏర్పాటుచేసి ఉన్న ఫోన్‌ను పట్టుకుంటే.. అనుష్క మైనపు బొమ్మ వారిని పలకరిస్తుంది. సింగపూర్‌ మ్యూజియంలో ఇలాంటి విభిన్నమైన మైనపు బొమ్మను సొంతం చేసుకోబోతున్న ఏకైక సెల్రబిటీ అనుష్క శర్మనే కావడం విశేషం.