ఇటీవల్ల దక్షిణాదిలో బయోపిక్  జోరు కొనసాగుతుంది. ఇప్పుడు మరో తార బయోపిక్ తెరకెక్కిస్తున్నారు. దాదాపు రెండు ద‌శాబ్దాల‌పాటు ద‌క్షిణాదిన శృంగార తార‌గా ఓ వెలుగు వెలిగిన న‌టి ష‌కీలా. అలాంటి ష‌కీలా జీవిత‌క‌థ ఆధారంగా ఓ బ‌యోపిక్ తెర‌కెక్కుతోంది. ఈ పాత్రకి హ్యూమా ఖురేషి లేదా స్వ‌ర భాస్క‌ర్ వంటి న‌టీమ‌ణుల‌ను తీసుకోవాల‌ని ద‌ర్శ‌కనిర్మాత‌లు భావించారు. కానీ తాజాగా  ఆ పాత్ర బాలీవుడ్ హీరోయిన్ రిచా చ‌ద్దాను వ‌రించింది. ద‌క్షిణాది భాష‌ల‌న్నింటిలోనూ ఈ సినిమా విడుద‌ల కాబోతోంది. మ‌రి, సిల్క్ స్మిత జీవిత‌క‌థ ఆధారంగా తెర‌కెక్కిన `డ‌ర్టీపిక్చ‌ర్‌` త‌ర‌హాలో ఈ ష‌కీలా బ‌యోపిక్ కూడా ఆక‌ట్టుకుందో, లేదో చూడాలి.