నెల రోజులు అంతులేని వినోదాన్ని పంచిన ఫుట్‌బాల్‌ ప్రపంచకప్‌లో నేడే  తుది ఘట్టం.. ఫ్రాన్స్‌, క్రొయేషియా మధ్య  మెగా ఫైనల్‌..   ఫ్రాన్స్‌, క్రొయేషియా మధ్య  ఫైనల్ పోరు సిద్ధమైంది . ఫుట్‌బాల్‌ ప్రపంచకప్‌ ఫైనల్లో మెరుపులు మెరిపించి తన జట్టుకు కప్పు అందిస్తే అతను ఆ దేశానికి జాతీయ హీరో అయిపోతాడు. చరిత్రలో నిలిచిపోతాడు. ఐతే చరిత్రలో ఎంతోమంది గొప్ప ఫుట్‌బాలర్లు ఉన్నా.. ప్రపంచకప్‌ ఫైనల్‌ ఆడి అందులో మెరిసిన వాళ్లు కొద్దిమందే. ఈ అదృష్టం అందరికీ దక్కదు. మరి ఆదివారం నాటి తుది పోరులో సత్తా చాటి తన జట్టుకు కప్పు అందించేదెవరో చూడాలి. ఇరు జట్లలోనూ కొందరు ఆటగాళ్లు భారీ అంచనాలతో బరిలోకి దిగుతున్నారు. మరి వీళ్ల నుంచే ఆ హీరో పుడతాడా? ఇంకెవరైనా ఆ అదృష్టాన్ని దక్కించుకుంటారా?