బంగ్లాదేశ్‌తో జరిగిన సిరీస్‌ను విండీస్‌ 2-0తో కైవసం చేసుకుంది.  రెండో టెస్టులో బంగ్లాను 166 పరుగుల తేడాతో చిత్తు చేసిన విండీస్‌ మ్యాచ్‌ను మూడు రోజుల్లోనే ముగించింది. ఆతిథ్య జట్టు నిర్దేశించిన 335 పరుగుల లక్ష్య ఛేదనలో.. కెప్టెన్‌ జాసన్‌ హోల్డర్‌ (6/59) దెబ్బకు బంగ్లా రెండో ఇన్నింగ్స్‌లో 168 పరుగులకే కుప్ప కూలింది. అంతకుముందు రెండో ఇన్నింగ్స్‌లో విండీస్‌ 129 పరుగులకు ఆలౌటైంది. తొలి ఇన్నింగ్స్‌లో విండీస్‌ 354 పరుగులు చేయగా.. బంగ్లా 149 స్కోరు చేసింది.