అలనాటి తార 'సావిత్రి' జీవిత కథ ఆధారంగా తెరకెక్కిన చిత్రం మహానటి మంచి విజయం సాధించింది. ఈ చిత్రం లో కీర్తిసురేష్ లీడ్ రోల్ పోషిచింది. ఈ సినిమా తెలుగు ఫిలిం ఇండస్ట్రీకి ఒక ప్రౌడ్ మూమెంట్‌ని అందించింది. 
ఈ సినిమా, ఉత్తమ చిత్రం .. ఉత్తమ నటి .. ఉత్తమ సహాయ నటి కేటగిరీల్లో పోటీపడుతోంది. ఈ సినిమాలోని నటనకు గాను కీర్తి, సమంతలు ఐఎఫ్ఎఫ్ఎమ్(ఇండియన్ ఫిలిం ఫెస్టివల్ మెల్‌బోర్న్)కు నామినేట్ అయ్యారు.  బెస్ట్ ఫిమేల్ యాక్టర్‌గా కీర్తి, బెస్ట్ సపోర్ట్ పెర్ఫార్మెన్స్‌కి సమంత నామినేట్ అయ్యారు. ఉత్తమనటి కేటగిరీలో దీపికా పదుకొనే (పద్మావత్) .. అలియా భట్ (రాజీ) .. రాణీముఖర్జీ (హిచ్ కీ) .. విద్యాబాలన్ (తుమ్హారీ సులు) తో కీర్తి సురేశ్ పోటీపడనున్నారు. ఆస్ట్రేలియాలోని మెల్ బోర్న్ లో ఆగస్టు 10 నుంచి ఈ వేడుక ప్రారంభం కానుంది.