అజయ్ భూపతి దర్శకత్వంలో రూపొందిన 'ఆర్ఎక్స్ 100' చిత్రం భారీ వసూళ్లతో దూసుకుపోతోంది.కంటెంట్ కరెక్ట్ గా కనెక్ట్ కావడంతో యూత్ నుంచి విపరీతమైన రెస్పాన్స్ వస్తోంది. విడుదలైన ప్రతి చోటు నుంచి భారీవసూళ్లను సాధిస్తూ దూసుకుపోతోంది. ఈ కొత్తదనం కారణంగానే ఈ సినిమా తెలుగు రాష్ట్రాల్లో నాలుగు రోజుల్లో 10 కోట్ల గ్రాస్ ను వసూలు చేసింది. దీంతో ఈ చిత్రం హిందీ రీమేక్ హక్కుల కోసం పోటీ ఏర్పడింది. పలు చిత్ర నిర్మాణ సంస్థలు హక్కుల కోసం పోటీ పడుతున్నాయి.