వివాదాస్పద నటి శ్రీరెడ్డి మరోసారి నోటికి పనిచెప్పింది. అవకాశాల పేరుతో తనను వాడుకున్న టాలీవుడ్ ప్రముఖుల పుత్రరత్నాలు, నిర్మాతలు, దర్శకులు, హీరోలు, క్యారెక్టర్ ఆర్టిస్టులకు సంబంధించి ఒక్కో పేరును రివీల్ చేస్తూ.. పెద్ద లిస్ట్‌నే సోషల్ మీడియాలో ఉంచి ప్రకంపనలు రేపింది శ్రీరెడ్డి. ప్రస్తుతం టాలీవుడ్‌ పరిశ్రమకు కాస్త బ్రేక్ ఇచ్చి.. తన ఫోకస్‌ను కోలీవుడ్‌ వైపు మరల్చింది. చెన్నైకి వెళ్లి మరీ ఆమెకు అవకాశాలు ఎరచూపి వాడుకున్న వారి జాతకాలను బయటపెట్టింది. అయితే ఆమె ఆరోపణలకు సరైన ఆధారాలు లేకపోవడంతో తమిళ ఇండస్ట్రీ గరం అవుతున్నారు. ఇదిలా ఉంటే.. తాజాగా శ్రీరెడ్డి ఫేస్ బుక్‌లో మరో సంచలన పోస్ట్‌ను చేసింది. ఇందులో స్వర్గీయ తెలుగుదేశం నాయకుడు పరిటాల రవి పేరును ప్రస్తావిస్తూ.. జనసేన అధినేత, పవర్ స్టార్ పవన్ కళ్యాణ్‌పై ఇన్ డైరెక్ట్‌ కామెంట్ చేసింది. ఇంతకీ శ్రీరెడ్డి తాజా పోస్ట్‌లో ఏముందంటే.. ‘బొమ్మ హీరో కాదురా గొర్రెల్లారా, ట్రు హీరోరా పరిటాల రవి. ఆయనే ఉండుంటే.. గడ్డానికి, జుట్టుకి పెయింటింగ్‌లు వేసుకునేవాళ్లు సీఎం అవకుండా కాపాడేవారు. గడ్డం పెంచుకుంటే, ప్రసంగాల్లో అరుస్తూ డైలాగ్స్ చెప్తే చెగువేరా అవుతారా.. నిద్ర లేవండి గొర్రెల్లారా.. అసలే వర్షాకాలం రా నాయన వానలోకి వెళ్లొద్దని చెప్పండి రంగు పోద్ది.. మీ పులి వేషం వేసుకున్న నక్కకి’’ అంటూ #పిక్కి పీక్స్ అనే హ్యాష్ ట్యాగ్‌ని తగిలించింది. ఇందులో ఎక్కడా పవన్ పేరును డైరెక్ట్‌గా ప్రస్తావించలేదు. అయితే చెగువేరా, గడ్డం, జుట్టుకు రంగు లాంటి వ్యాఖ్యలు గతంలో పవన్‌ను ఉద్దేశించి హాట్ కామెంట్స్ చేయడంతో పవన్ అభిమానులు శ్రీరెడ్డి వ్యాఖ్యలపై మండిపడుతున్నారు. తమదైన శైలిలో కామెంట్ చేస్తూ శ్రీరెడ్డికి చుక్కలు చూపిస్తున్నారు. అయితే శ్రీరెడ్డి అదే రేంజ్‌లో ఘాటు రిప్లైలు ఇస్తోంది. అయితే శ్రీరెడ్డి పోస్ట్‌లో ‘పరిటాల రవి ఉండుంటే గడ్డానికి, జుట్టుకి పెయింటింగ్‌లు వేసుకునేవాళ్లు సీఎం అవకుండా కాపాడేవారు’ అంటూ కామెంట్ చేయడాన్ని బట్టి పవన్ సీఎం కావడం ఖాయమే అన్నట్లు ఆమె ఫిక్స్ అయినట్లు ఉంది. మొత్తానికి ఆమె ద్వేషించే వ్యక్తిని ఈ పోస్ట్ ద్వారా సీఎంని చేసేసింది శ్రీరెడ్డి.