ఎన్టీఆర్ నట విశ్వరూపం చూపించిన చిత్రం 'జై లవ కుశ', ఈ చిత్రం లో ఎన్టీఆర్ డిఫరెంట్ లుక్స్ తో మూడు విభిన్నమైన పాత్రలను పోషించాడు. ఈ సినిమా, తెలుగు రాష్ట్రాల్లోనే కాదు ఓవర్సీస్ లోను ఒక రేంజ్ లో వసూళ్లను రాబట్టింది. అలాంటి ఈ సినిమా తాజాగా అరుదైన గౌరవాన్ని సంపాదించుకుంది. నార్త్ కొరియాలో జరిగే బుచీయోన్ ఇంటర్నేషనల్ ఫిల్మ్ ఫెస్టివల్ లో రెండు రోజుల ప్రదర్శనకి గాను 'జై లవ కుశ' సినిమాను ఎంపిక చేశారు. ఉత్తమ ఏషియన్ సినిమా విభాగంలో 'జై లవ కుశ' కి ఈ గౌరవం దక్కింది. ఈ చిత్రోత్సవంలో చోటు లభించిన ఏకైక తెలుగు సినిమా 'జై లవ కుశ' కావడం విశేషం. ఈ చిత్రానికి 'పవర్' ఫేమ్ బాబీ దర్శకత్వం వహించిన సంగతి తెలిసిందే. దేవి శ్రీ ప్రసాద్ అందించిన బాణీలు ఈ చిత్రానికి ప్లస్ పాయింట్.