చందూ మొండేటి దర్శకత్వంలో నాగచైతన్య హీరోగా 'సవ్యసాచి' సినిమా రూపొందుతోంది. నిధి అగర్వాల్ కథానాయికగా నటిస్తోన్న ఈ సినిమాలో, మాధవన్ .. భూమిక కీలకమైన పాత్రలను పోషిస్తున్నారు. మైత్రీ మూవీ మేకర్స్ బ్యానర్ పై .. విభిన్నమైన కథాకథనాలతో ఈ సినిమా నిర్మితమవుతోంది. వీరిద్దరి కాంబినేషన్ గతం లో ప్రేమమ్ చిత్రం వచ్చింది. ఈ చిత్రం నుంచి ఒక పోస్టర్ రిలీజ్ చేసారు. తెలుగు రాష్ట్రాల్లో ఈ  సినిమా విడుదల హక్కులు 9.5 కోట్లకు అమ్ముడైనట్టుగా సమాచారం.  ఈ సినిమాతో పాటు నాగచైతన్య 'శైలజా రెడ్డి అల్లుడు' సినిమా చేసిన సంగతి తెలిసిందే. ఆ తరువాత శివ నిర్వాణ ప్రాజెక్టును చైతూ పట్టాలెక్కించనున్నాడు.