జనసేన అధినేత పవన్ కళ్యాణ్ హైదరాబాద్ లోని జనసేన పార్టీ కార్యాలయంలో కరదీపికను, పార్టీ తరఫున ప్రారంభించిన పక్ష పత్రిక 'శతఘ్ని'ని   విడుదల చేశారు. పార్టీ శ్రేణులకు సిద్ధాంతాలపై అవగాహన కల్పించడంతో పాటు, వారికి దిశానిర్దేశం చేసేలా కరదీపిక ఉంటుందని, ‘జనసేన’ సంకల్పం ఏమిటనేది ప్రతి పాఠకుడికి తెలియచేసేలా ‘శతఘ్ని’ ఉంటుందని పవన్ అన్నారు. డిసెంబర్ నెలాఖరుకి 50 లక్షల సభ్యత్వ నమోదు చేయాలనీ  పార్టీ శ్రేణులకు లక్ష్యంగా నిర్ణయించామని, ఈ నెలలోనే 'వాడవాడ జనసేన జెండా' కార్యక్రమాన్ని నిర్వహించనున్నట్టు చెప్పారు. ప్రతి జిల్లా కేంద్రం, మండల కేంద్రం, గ్రామం, బూత్ స్థాయిలో ‘జనసేన’ జెండా ఎగరాలి’ అని అన్నారు.