న్యూఢిల్లీ: డిజిటల్‌ చెల్లింపులను ప్రోత్సహించేందుకు ప్రయోగాత్మకంగా ప్రత్యేక ప్రోత్సాహకాలు ఇవ్వాలని జిఎస్‌టి మండలి సమావేశం నిర్ణయించింది. శనివారం ఢిల్లీలో జరిగిన సమావేశంలో ఈ మేరకు నిర్ణయం తీసుకున్నట్టు కేంద్ర ఆర్థిక మంత్రి పీయూష్‌ గోయల్‌ చెప్పారు. ఇందులో భాగంగా భీమ్‌ యాప్‌, యుపిఐ, రూపే కార్డుల ద్వారా చెల్లింపులు చేస్తే, ఆ లావాదేవీపై చెల్లించాల్సిన జిఎస్‌టిలో రూ.100కు మించకుండా 20 శాతం వరకు వినియోగదారులకు క్యాష్‌బ్యాక్‌ లభిస్తుంది. ‘ఇందుకోసం ఒక ప్రయోగాత్మక ప్రాజెక్టు చేపట్టాలని నిర్ణయించాం. ఈ విధానంలో రూపే కార్డు, భీమ్‌, యుపిఐ, ఆధార్‌ ద్వారా వినియోగదారులు చేసే చెల్లింపులపై వ్యాపార సంస్థలు చెల్లించే జిఎస్‌టిలో 20 శాతానికి రూ.100 పరిమితికి లోబడి వినియోగదారులకు క్యాష్‌బాక్‌ రూపంలో లభిస్తుంది