బాలీవుడ్ నటి ప్రియాంక చోప్రా ప్రియుడు నిక్‌ జోనస్‌తో కలిసి సింగపూర్‌లో ప్రస్తుతం చక్కర్లు కొడుతోంది. అమెరికాలో సింగర్‌గా మంచి గుర్తింపు పొందిన నిక్‌ జోనస్‌.. సింగపూర్‌లో మ్యూజిక్ ప్రోగ్రామ్ చేసేందుకు అక్కడికి వెళ్లగా.. అతనితో పాటు ప్రియాంక కూడా వెళ్లింది. వీరిద్దరూ సింగపూర్ ఎయిర్‌పోర్ట్‌లో చెట్టాపట్టాలేసుకుని నడుస్తుండగా తీసిన వీడియో ఒకటి ఇప్పుడు వెలుగులోకి వచ్చింది.  ఏడాదికాలంగా నిక్ జోనస్‌తో ప్రేమాయణం నడుపుతున్న ప్రియాంక చోప్రా.. ఇటీవల అతడ్ని భారత్‌కు రప్పించింది. ముంబయి‌లోని రెస్టారెంట్లలో సందడి చేసిన ఈ జంట.. ఆకాశ్ అంబాని నిశ్చితార్థ వేడుకలకీ హాజరైంది. ఇటీవల ప్రియాంక చోప్రా పుట్టిన రోజు సందర్భంగా.. ఈ జంట నిశ్చితార్థం కూడా పూర్తయినట్లు అమెరికా మీడియా వెల్లడించింది. ఈ ఏడాదిలోనే ఈ జోడి పెళ్లి పీటలెక్కబోతున్నట్లు సమాచారం.