వంశీ పైడిపల్లి దర్శకత్వంలో మహేష్ బాబు ఒక చిత్రం చేస్తున్న సంగతి తెలిసిందే. అశ్వనీదత్, దిల్ రాజులు నిర్మాతలుగా తయారవుతున్న చిత్రం ఫస్ట్ లుక్ ను 9వ తేదీ మహేష్ జన్మదినం సందర్భంగా విడుదల చేస్తామని ఇప్పటికే టీమ్ వెల్లడించింది. ఈ క్రమంలో సోషల్ మీడియా ద్వారా రోజుకో అక్షరాన్ని బయటకు లీక్ చేస్తోంది చిత్ర యూనిట్. ఇప్పటివరకూ 'ఆర్', 'ఐ', 'ఎస్', 'హెచ్', 'ఐ' అన్న అక్షరాలు బయటకు వచ్చాయి.వీటిని చూస్తుంటే ఇదే టైటిల్ అని ఫిక్స్ అయిపోతున్నారు ఫ్యాన్స్. సినిమా పేరు 'రిషి' అని కొందరు 'మహర్షి' అయ్యుంటుందని మరికొందరు అంచనా వేస్తున్నారు.ఏదేమైనా ఈ విషయంలో సస్పెన్స్ తొలగాలంటే, మరో మూడు రోజులు ఆగక తప్పదు.