త్రివిక్రమ్ - ఎన్టీఆర్ కంబినేషన్లో 'అరవింద సమేత వీర రాఘవ' సినిమా తెరకెక్కుతున్న సంగతి తెలిసిందే. ఈ చిత్రంలో పూజ హెగ్డే, ఈషా రెబ్బ కథానాయకులుగా నటిస్తున్నారు. యాక్షన్ తో కూడిన ఫ్యామిలీ డ్రామాగా ఈ సినిమాను రూపొందిస్తున్నాడు మాటల మాంత్రికుడు త్రివిక్రమ్. ఈ సినిమాను దసరాకి ప్రపంచవ్యాప్తంగా విడుదల చేయనున్నట్టు దర్శక నిర్మాతలు ప్రకటించారు. అయితే ఈ సినిమా పాటల చిత్రీకరణను ఇంకా మొదలుపెట్టకపోవడంతో, దసరాకి రిలీజ్ డౌటే అనే ప్రచారం మొదలైంది. దాంతో ఈ సినిమాను దసరాకి అంటే అక్టోబర్ 11వ తేదీన కచ్చితంగా విడుదల చేయనున్నామని నిర్మాతలు తెలిపారు. ఈ నెల 15వ తేదీన ఫస్టు టీజర్ ను రిలీజ్ చేయనున్నారు.