బాలీవుడ్ లో బయోపిక్ ల జోరు కొనసాగుతుంది. ఈ మధ్య సంజయ్ దత్ బయోపిక్ వచ్చి మంచి వసూళ్లు రాబట్టింది. తాజాగా 'సైనా నెహ్వాల్' బయోపిక్ కి సంబంధించిన సన్నాహాలు కూడా జరుగుతున్నాయి. ఈ సినిమాలో ప్రధానమైన పాత్రను శ్రద్ధా కపూర్ పోషించనుంది. ఈ నేపథ్యంలో వచ్చేనెలలో ఈ సినిమాను సెట్స్ పైకి తీసుకెళ్లాలని దర్శక నిర్మాతలు నిర్ణయించుకున్నారు. అటు సైనా నెహ్వాల్ కి .. ఇటు శ్రద్ధా కపూర్ కి మంచి క్రేజ్ ఉండటంతో, ఈ ప్రాజెక్టుపై భారీగా అంచనాలు వున్నాయి.