ఇంగ్లాండ్‌, భారత జట్ల మధ్య జరుగుతున్న రెండో టెస్ట్‌ మూడో రోజు ఆట ముగిసింది. మరో 9 ఓవర్లు ఉండగానే వెలుతురులేమితో అంపైర్లు ఆటను నిలిపివేశారు. మూడో రోజు ఆటముగిసేసరికి ఇంగ్లాండ్‌ ఆరు వికెట్ల నష్టానికి 357 పరుగులు చేసింది. ప్రస్తుతానికి 250 పరుగుల తొలి ఇన్నింగ్స్‌ ఆధిక్యంలో ఇంగ్లాండ్‌ ఉంది. క్రీజులో క్రిస్‌ వోక్స్‌ (159 బంతుల్లో 120; 18×4), కరన్‌ (24 బంతుల్లో 22; 4×4) క్రీజులో ఉన్నారు. ఇంగ్లాండ్ బ్యాట్స్‌మెన్లలో బెయిర్‌స్టో (144 బంతుల్లో 93; 12×4), పోప్‌(28), కుక్‌(21), రూట్‌(19), జెన్నింగ్స్‌(11), బట్లర్‌(24) పరుగులు చేశారు. భారత బౌలర్లలో షమి 3, పాండ్య 2, శర్మ ఒక వికెట్‌ పడగొట్టారు.