"రంగస్థలం" విజయంతో మంచి ఊపు మీద ఉన్నాడు రాంచరణ్. ప్రస్తుతం చరణ్ .. బోయపాటి శ్రీను దర్శకత్వంలో ఒక సినిమా చేస్తున్న సంగతి తెలిసిందే. బోయపాటి - చరణ్ కాంబినేషన్ కోసం  అభిమానులంతా ఎంతో ఆత్రుతగా ఎదురుచూస్తున్నారు. ఈ సినిమా తరువాత చరణ్ .. రాజమౌళి కాంబినేషన్లో ఒక సినిమా చేయనున్నాడు. ప్రస్తుతం అందుకు సంబంధించిన సన్నాహాలు చకచకా జరిగిపోతున్నాయి. ఈ సినిమా తరువాత చరణ్ .. వంశీ పైడిపల్లిని లైన్లో పెట్టినట్టుగా తెలుస్తోంది. ఈ ఇద్దరి మధ్య ఇటీవల చర్చలు జరిగినట్టుగా సమాచారం. ప్రస్తుతం వంశీ పైడిపల్లి మహేశ్ తో 'మహర్షి' చేస్తున్నాడు. గతంలో వీరిద్దరి కంబినేషన్లో వచ్చిన'ఎవడు' చిత్రం మంచి విజయం సాదించింది.