మాస్ లో మంచి  ఫాలోయింగ్ ఉన్న  డైరెక్టర్ హరీష్ శంకర్. ఇటీవలె అయన  దర్శకత్వంలో వచ్చిన 'డీజే' సరిగ్గా ఆడలేదు, దాంతో ఆయన తాజా చిత్రం ఏ హీరోతో వుండనుందా అనే ఆసక్తి ఫిల్మ్ నగర్లో కనిపిస్తూ వస్తోంది. ఈ క్రమంలో ఆయన తాజా చిత్రం నానితో ఉంటుందనేది లేటెస్ట్ న్యూస్. ఇటీవల నానిని కలిసిన హరీశ్ శంకర్ ఒక కథ వినిపించడం .. ఆయన ఓకే చెప్పేయడం జరిగిపోయాయని అంటున్నారు. 14 రీల్స్ ఎంటర్టైన్మెంట్ వారు ఈ సినిమాను నిర్మించనున్నట్టు చెబుతున్నారు. గతంలో నాని హీరోగా ఈ బ్యానర్ లో వచ్చిన 'కృష్ణ గాడి వీర ప్రేమ కథ' చిత్రం మంచి విజయం సాధించింది.