అలనాటి తార సావిత్రి జీవిత కథ ఆధారంగా నాగ్అశ్విన్ దర్శకత్వంలో కీర్తి సురేష్ ప్రధాన పాత్రలో తెరకెక్కిన చిత్రం "మహానటి". తెలుగు రాష్ట్రాలతో పాటు ఓవర్సీస్ లోను ఈ సినిమా భారీ వసూళ్లను సాధించింది. ఈ సినిమాలో సావిత్రి పాత్రను పోషించిన కీర్తి సురేశ్ ఎంతోమంది ప్రశంసలను అందుకుంది.  ఈ నేపథ్యంలో ఆస్ట్రేలియాలోని మెల్బోర్న్ లో జరుగుతోన్న ఇండియన్ ఫిల్మ్ ఫెస్టివల్ (ఐఐఎఫ్ ఎమ్ 18) అవార్డు వేడుకల్లో, 'మహానటి' సినిమాకి గాను పురస్కారం లభించింది. నిన్న సాయంత్రం ఈ సినిమా టీమ్ ఈ పురస్కారాన్ని అందుకుంది.  ఈ కార్యక్రమంలో కీర్తి సురేష్, దర్శుకుడు నాగ్ అశ్విన్, నిర్మాతలు ప్రియాంక దత్.. స్వప్నదత్ పాల్గొన్నారు.