హైదరాబాద్‌లోని బేగంపేటలో గన్ మిస్‌ఫైర్‌ అయింది. ఈ ప్రమాదంలో మహేశ్వరరావు, శ్రీనివాస్ అనే ఇద్దరు వ్యక్తులు గాయపడ్డారు. ప్రస్తుతం వారి పరిస్థితి నిలకడగా ఉన్నట్లు డాక్టర్లు తెలిపారు. అయితే బేగంపేటలోని ఓ బ్యాంక్‌లో మాజీ సైనికోద్యోగి సురేష్ కుమార్ సెక్యూరిటీగా విధులు నిర్వహిస్తున్నారు. బ్యాంకు ముందే సురేష్ కుమార్ తన గన్‌ను శుభ్రం చేసే క్రమంలో అది మిస్‌ఫైర్ అయినట్లు తెలుస్తోంది. కేసును నమోదు చేసుకున్న పోలీసులు దర్యాప్తు చేస్తున్నారు.