.jpg)
బాలీవుడ్ ముద్దుగుమ్మ జాక్వెలిన్ ఫెర్నాండెజ్‌కి ఊహించని షాకిచ్చాడు కండల వీరుడు సల్మాన్ ఖాన్. అతను హీరోగా నటిస్తున్న ‘భారత్’ సినిమా నుంచి ఇటీవల ప్రియాంక చోప్రా తప్పుకోగా.. ఆమె స్థానంలో కత్రినా కైఫ్‌ని తీసుకుంటున్నట్లు చిత్ర యూనిట్ ప్రకటించింది. కానీ.. తాజాగా బాలీవుడ్‌లో ఓ వార్త హల్‌చల్ చేస్తోంది. ప్రియాంక పక్కకి తప్పుకున్న తర్వాత.. ఆ సినిమాలో తనకి ఛాన్సివ్వాలని జాక్వెలిన్ ఫెర్నాండెజ్‌ కోరగా.. సల్మాన్ ఖాన్ నిరభ్యంతరంగా తిరస్కరించినట్లు సమాచారం. ఇటీవల ఈ జోడి ‘రేస్‌ 3’లో నటించి ఉండటంతో.. మళ్లీ రిపీట్ అవుతుందనే ఉద్దేశంతోనే సల్మాన్ ఇలా చేసినట్లు తెలుస్తోంది. అమెరికా సింగర్ నిక్ జోనస్‌తో త్వరలోనే ప్రియాంక చోప్రా పెళ్లిపీటలు ఎక్కబోతుండటంతోనే ‘భారత్’ సినిమా నుంచి తప్పుకున్నట్లు అప్పట్లో వార్తలు వచ్చాయి. వీటికి బలం చేకూరుస్తూ.. భారత్ సినిమా దర్శకుడు అలీ అబ్బాస్.. ప్రియాంక తీసుకున్న నిర్ణయం తనకు సంతోషం కలిగించిందని.. నిక్ జోనస్‌ను ట్యాగ్ చేస్తూ ప్రకటించాడు