పరశురామ్ దర్శకత్వంలో విజయదేవరకొండ కథానాయకుడిగా నటించిన 'గీత గోవిందం' చిత్రం యూత్ ను విపరీతంగా ఆకట్టుకుంది. ఈ నెల 15వ తేదీన ప్రపంచవ్యాప్తంగా విడుదలైన ఈ చిత్రం మొదటి రోజే 16.40 కోట్ల గ్రాస్ ను వసూలు చేసి, ఈ ఏడాదిలో భారీ ఓపెనింగ్స్ ను రాబట్టిన టాప్ టెన్ చిత్రాల జాబితాలో చోటు సంపాదించుకుంది.  తెలుగు రాష్ట్రాల్లో తొలి 5 రోజుల్లో ఈ సినిమా 55 కోట్ల గ్రాస్ ను .. 31కోట్ల షేర్ ను సాధించింది.  చాలా తక్కువ సమయంలోనే ఈ సినిమా 50 కోట్ల క్లబ్ లోకి చేరుకోవడం పట్ల అంతా ఆశ్చర్యాన్ని వ్యక్తం చేస్తున్నారు.