రానా ప్రస్తుతం ఎన్టీఆర్‌ బయోపిక్‌ ‘ఎన్టీఆర్‌’లో నటిస్తున్నారు. ఇందులో ఆయన ఆంధ్రప్రదేశ్‌ ముఖ్యమంత్రి నారా చంద్రబాబు నాయుడు పాత్ర పోషిస్తున్నారు. ఈ పాత్ర కోసం రానా చాలా బరువు తగ్గినట్లు తెలుస్తోంది. తాజాగా ఓ కార్యక్రమంలో కనిపించిన ఆయన ఫొటోలు సోషల్‌మీడియాలో చక్కర్లు కొడుతున్నాయి. అందులో ఆయన చాలా సన్నగా కన్పించారు. ‘ఎన్టీఆర్‌’ కోసం రానా ఇటీవల చంద్రబాబును కలిసి, మాట్లాడారు. ఆయన హావభావాలను కూడా తెలుసుకున్నారు. క్రిష్ ఈ చిత్రానికి దర్శకత్వం వహిస్తున్న సంగతి తెలిసిందే.