టాలీవుడ్ లో ఉన్న అతికొద్దిమంది మల్టీటాలెంటడ్ పర్సన్స్‌లో శ్రీనివాస్ అవసరాల ఒకరు. క్యారెక్టర్ ఆర్టిస్ట్‌గా, హీరోగా, రచయితగా, దర్శకుడిగా ఆయన తన మార్క్ చాటుకున్నారు. ప్రస్తుతం యాక్టింగ్‌తో బిజీగా ఉన్న అవసరాల మరో క్రేజీ ప్రాజెక్ట్‌ను లైన్‌లో పెట్టబోతున్నాడు. ఆ డిటేల్స్ ఇప్పడు చూద్దాం.నటుడిగా ఎంత మెతడ్ యాక్టింగ్ చేస్తాడో..డైరక్టర్‌గా అంతే హృద్యమైన చిత్రాలను తెరకెక్కిస్తాడు శ్రీనివాస్ అవసరాల. ఆయన డైరక్ట్ చేసిన ఊహాలు గుసగుసలాడే..జో అచ్యుతానంద చిత్రాలు మంచి పేరు తెచ్చుకున్నాయి. అప్పట్లో అవసరాల శ్రీనివాస్ సాయి ధరమ్ తేజ్ సోదరుడు వైష్ణవ్ తేజ్ ని హీరోగా పరిచయం చేస్తూ సినిమా చేయబోతున్నారని వార్తలు వచ్చాయి. కానీ ఆ ప్రాజెక్ట్ సెట్స్‌పైకి వెళ్లలేదు. అయితే ప్రజంట్ ఆర్టిస్ట్‌గా బిజీగా అవసరాల ఓ ప్రాజెక్ట్ చేయాలని డిసైడ్ అయ్యాడంట.తాజా సమాచారం ప్రకారం అవసరాల తన తర్వాత సినిమా కోసం హీరో నిఖిల్ తో చర్చలు జరిపారట. వీరి కాంబినేషన్ లో త్వరలోనే ఓ సినిమా ఉండబోతుందని తెలుస్తోంది. ప్రస్తుతం నిఖిల్ ముద్రతో బిజీగా ఉన్నాడు. ముద్ర చిత్రం పూర్తయ్యాక అవసరాలతో సినిమా చేయాలని నిర్ణయించుకున్నాడట నిఖిల్. ఈ చిత్రాన్ని గతంలో శ్రీనివాస్ అవసరాల డైరక్ట్‌ చేసిన వారాహి సంస్థ నిర్మిస్తుందని సమాచారం. మరి ఈ క్రేజీ ప్రాజెక్ట్ ప్రేక్షకులను ఎంతమేర అలరిస్తుందో చూడాలి